سعودی خاتون نے اپنے گھر میں نوادرات کی نمائش کر دی

محائل کمشنری میں سعودی خاتون فایزہ رفیدی عسیری نے ذاتی کوشش سے عجائب گھر تیار کر لیا ہے۔

سبق ویب سائٹ کے مطابق وہ 10 سال کی عمر سے نوادرات اور تاریخی اشیا جمع کر رہی ہیں۔

انہوں نے کہا ہے کہ ’نوادرات کے ذخیرے کو عام کرنے کے لیے میں نے اپنے گھر میں ایک کمرہ مختص کردیا ہے‘۔

انہوں نے عسیر ریجن کے کئی میلوں میں شرکت کی اور نوادرات کی نمائش کی ہے جس پر انہیں متعدد مرتبہ انعامات سے نوازا گیا ہے۔

انہوں نے کہا ہے کہ ’میری خواہش ہے کہ الریش کی سماجی تنظیمیں مرکزی عجائب گھر قائم کریں تو میں اپنے ذاتی نوادرات بھی وہاں جمع کرادوں گی‘۔

انہوں نے کہاہے کہ ’میرے گھر میں 2500 سے زیادہ نوادرات موجود ہیں ۔ اس کے علاوہ تاریخی اور نادر تصاویر اور نمونے بھی موجود ہیں‘۔