دھمکی آمیز خط ملنے پر ایجپٹ ایئر کی ماسکو جانے والی پرواز واپس

مصر کی سرکاری فضائی کمپنی ایجپٹ ایئر کی ماسکو جانے والی پرواز ایم ایس 729 میں دھکمی آمیز خط ملنے پر فلائٹ قاہرہ واپس بھجوا دی گئی۔

خبر رساں ادارے روئٹرز کے مطابق ایجپٹ ایئر کی جانب سے بدھ کو جاری ہونے والے بیان میں کہا گیا ہے کہ طیارے کی ایک سیٹ پر دھمکی آمیز خط پڑا ہوا ملا تھا۔

بیان میں کہا گیا ہے کہ طیارہ پرواز کے بائیس منٹ بعد ہی قاہرہ ایئر پورٹ پر با حفاظت لینڈ کر گیا تھا جہاں ضروری اقدامات لیے گئے۔