’حسن علی نے افغانستان کے لیے امریکی امداد سے زیادہ کام کیا‘

پاکستان کے فاسٹ بولر حسن علی اس وقت سوشل میڈیا پر ٹاپ ٹرینڈ بنے ہوئے ہیں جس کی وجہ ان کی اچھی بولنگ نہیں بلکہ افغان بیٹسمین کے ہاتھوں چھکے چوکے کھانا ہے۔

حسن علی افغانستان کے خلاف میچ میں 4 اوورز کیے جس میں سے ایک میڈن تھا لیکن پھر بھی انہوں نے 38 رنز دے دیے پھر بھلا سوشل میڈیا صارفین انہیں کیسے بخش دیتے۔

سوشل میڈیا پر حسن علی پر خوب طنز ہوتا رہا۔

ناصر حسین نامی صارف نے ایک ٹوئیٹ میں لکھا کہ ’حسن علی نے افغانستان کے لیے امریکی امداد سے زیادہ [کام] کیا ہے۔‘

حسن ’لیجنڈ‘ نامی صارف نے حسن علی کی خراب بالنگ کی وجہ ان کے بال قرار دیے۔

انہوں نے لکھا کہ ’حسن علی کے بال کٹواؤ سب سے پہلے، اسے نظر نہیں آتا۔‘

سمیرا خان نامی ایک خاتون نے لکھا کہ ’عوام کا مطالبہ ہے کہ حسن علی کو بیٹنگ کی شروعات کے لیے بھیجا جائے اور پورا ہدف ان سے چیس کروایا جائے۔‘

علی سجاد نامی صارف تو اتنے غصے میں آگئے کہ انہوں نے حسن علی کو اگلے میچ میں ٹیم سے باہر بٹھانے کا مطالبہ کردیا۔

انہوں نے کہا کہ ’حسن علی کی جگہ شاہنواز دھانی کو اگلے میچ میں کھلانا چاہیے۔‘

تاہم کچھ صارفین کا کہنا تھا کہ صرف ایک میچ میں خراب کارکرگی دکھانے پر حسن علی کو ٹیم سے نکالنے کا مطالبہ ناسمجھ میں آنے والا ہے۔

بلال احمد نامی صارف نے لکھا کہ ’لوگ دوسروں پر ہمیشہ کیوں تنقید کرتے رہتے ہیں۔ ورلڈکپ شروع ہونے سے پہلے ہم لوگ کہتے تھے کہ حارث رؤف اور آصف علی کو سکواڈ میں نہیں ہونا چاہیے۔‘

’حسن علی کو صرف ایک برے اوور پر جج نہیں کرنا چاہیے۔‘

زہرہ خان نامی صارف نے میٹھا سا طنز کرتے ہوئے لکھا کہ ’ آج ہم ایک اوور میں 20 رنز دینے پر حسن علی پر تنقید نہیں کریں گے، بلکہ ان کی تعریف کریں گے انہوں نے افغان بھائیوں کی مدد کی۔