عرب اتحاد نے یمن میں حزب اللہ اور ایران کے ملوث ہونے کی فوٹیجز جاری کر دیں
عرب اتحاد نے یمن میں حزب اللہ اور ایران کے ملوث ہونے کی فوٹیجز جاری کر دیں
اتوار 26 دسمبر 2021 17:55
حوثیوں نے صنعاایئرپورٹ کا معاملہ اقوام متحدہ پردباوڈالنے کے لیے استعمال کیا(فوٹو، ٹوئٹر)
عرب اتحاد برائے یمن کے ترجمان بریگیڈیئر ترکی المالکی نے کہا ہے کہ مملکت کے شہریوں پر حوثیوں کے حملوں کی ذمہ دار لبنانی حزب اللہ ہے۔ وہ اتوار کو یمن میں لبنانی حزب اللہ کے ملوث ہونے کے حوالے سے خصوصی پریس کانفرنس میں شواہد پیش کر رہے تھے۔
سبق نیوز کے مطابق بریگیڈیئرترکی المالکی نے مزید کہا حوثیوں نے صنعا انٹرنیشنل ایئرپورٹ کے معاملے کو اقوام متحدہ پر دباو ڈالنے کے لیےاستعمال کیا۔
انہوں نے مزید کہا یمن میں ایسے تمام مقامات کو حاصل مراعات ختم کر دی جائے گی جنہیں حوثی اسلحہ گودام کے طور پر استعمال کر رہے ہیں۔
مملکت پرکیے جانے والے حملوں کے حوالے سے انکا کہنا تھا ’حوثیوں نے 851 ڈرونزسے سعودی عرب پر حملوں کی کوششیں کیں جبکہ 430 بیلسٹک میزائل مملکت پر داغے گئے۔
المالکی نے بتایا کہ مارب میں قبائل کے شیوخ نے عوام کو حوثیوں کی جارحیت سے بچانے کےلیے قابل قدر قربانیاں دیں ۔
حوثیوں کے یہاں تعینات ایرانی سفیر ’حسن ایرلو‘ مارب کمشرنی میں عسکری آپریشنوں کی قیادت کرتےرہے.
حوثی اب بھی شہریوں کو انسانی ڈھال کے طور پر استعمال کر رہے ہیں۔ ہم حوثیوں کی سرگرمیوں کا جواب دے سکتے ہیں تاہم صبر و تحمل سے کام لیا جا رہا ہے۔ حوثیوں نے شہری آبادی میں میزائل تیار کرنے کی ورکشاپس قائم کی ہوئی ہیں جو عالمی قانون کی صریح خلاف ورزی شمار ہوتی ہے۔
المالکی نے مزید کہا ایران لاکھوں یمنی شہریوں کو گھرسے بے گھر کرنے کے پروگرام پر عمل پیرا ہے۔حوثیوں نے الحدیدہ سے متعلق اسٹاک ہوم معاہدے کی خلاف ورزی کی۔
ایرانی سفیر، مارب کمشنری مںی عسکری آپریشنز کی قیادت کرتے رہے(فوٹو، ٹوئٹر)
ترجمان اتحادی فورس کا کہنا تھا کہ حوثیوں نے یمنی بحران کے خاتمے کےلیے تمام امن اقدامات مسترد کر دیے۔
یمن میں عسکری آپریشنز کے حوالے سے ترکی المالکی کا کہنا تھا کہ ’یمن میں عسکری آپریشنز کا مقصد امن و استحکام کی بحالی ہے۔ اتحادی فوج کی قیادت یمنی بحران کو اعلانیہ 3 فارمولوں کے مطابق حل کرنے سے متعلق تمام بین الاقوامی کوششوں کی حامی ہے۔ خلیجی امن فارمولا ، یمنی فریقوں کا جاری کردہ متفقہ اور اقوام متحدہ کا منظورشدہ فارمولا تینوں کو بنیاد بناکر یمنی بحران حل کیا جا سکتا ہے۔
المالکی نے کہا کہ ایران خطے میں انارکی اور تباہ کاری پھیلانے کےلیے لبنان کی دہشتگرد تنظیم حزب اللہ کو ہوا دے رہا ہے۔
ایران خطے میں انارکی پھیلانے کےلیے لبنانی حزب اللہ کو ہوا دے رہا ہے(فوٹو، ٹوئٹر)
المالکی نے یمن میں حزب اللہ کے ملوث ہونے کے متعدد شواہد پیش کیے۔ انہوں نے ایک ویڈیو کلپ دکھایا جس میں حزب اللہ کے کمانڈر ابوعلی الحاکم نامی مطلوب دہشتگردوں کو ہدایات دیتےہوئے نظر آرہے ہیں۔ علاوہ ازیں صںعا ایئرپورٹ کے مختلف مقامات پر ایسے مناظر پر مشتمل ویڈیو کلپ بھی دکھائے گئے جن میں حزب اللہ کے جنگجو حوثیوں کو ٹریننگ دے رہے ہیں اور ڈرونز کے گودام کے طور پر صنعا ایئرپورٹ کو استعمال کیا جا رہا ہے۔
