پاکستان سپر لیگ (پی ایس ایل) کے ساتویں ایڈیشن میں ٹورنامنٹ کے سابق چیمپیئنز کراچی کنگز پانچ میچ کھیل کر بھی کوئی میچ نہیں جیت پائے ہیں۔
بابر اعظم کی قیادت میں کراچی کنگز اپنا پانچواں میچ گذشتہ رات اسلام آباد یونائیٹڈ سے ہاری اور اب اس ٹیم کے سر پر پی ایس ایل سے باہر ہونے کا خطرہ منڈلا رہا ہے۔
جہاں ایک طرف کراچی کنگز کے فینز اپنی ٹیم کی مسلسل شکستوں سے پریشان ہیں وہیں دیگر سوشل میڈیا صارفین بابر اعظم کی ٹیم پر طنز کے نشتر برساتے نظر آرہے ہیں۔
مزید پڑھیں
-
لاہور قلندرز نے کراچی کنگز کو چھ وکٹوں سے شکست دے دیNode ID: 640101
-
پی ایس ایل 7 میں کراچی کنگز کو مسلسل پانچویں میچ میں شکستNode ID: 642246
تیموز زمان نامی صارف نے پاکستان سے سابق فاسٹ بولر شعیب اختر کی ایک پرانی ویڈیو کا کلپ شیئر کیا اور اسے کراچی کنگز کے نام کیا۔
ویڈیو میں شعیب اختر کہہ رہے ہیں ’حد ہوتی ہے یار، کوئی شرم ہوتی ہے یار، یار اتنا برا کام کرتے ہو تم لوگ یار۔‘
Karachi Kings ... pic.twitter.com/AMQhEdSLm7
— Taimoor Zaman (@taimoorze) February 6, 2022
ٹوئٹر پر ’نامعلوم افراد‘ نامی اکاؤنٹ نے پاکستانی ٹی وی چینل اے آر وائی ڈیجیٹل کے پروگرام ’لوز ٹاک‘ کا ایک کلپ شیئر کیا جس کا مقصد کراچی کنگز کے پی ایس ایل 7 کے سفر پر طنز کرنا تھا۔
شیئر کی گئی کلپ میں پاکستان کے لیجنڈ اداکار معین اختر بنگلہ دیش کرکٹ ٹیم کا یونیفارم پہن کر بیٹھے ہیں اور انور مقصود کو بتا رہے ہیں کہ ’نہیں جیتے گا، ہمارا مرضی ہے، دس از اور ٹارگٹ، نئے جیتے گا۔‘
Karachi kings PSL 7 journey pic.twitter.com/WXsOu7xx7e
— nma (@namaloomafraaad) February 4, 2022