امارات میں کورونا کے نئے کیسز مسلسل ایک ہزار سے کم

متحدہ عرب امارات میں کورونا کے نئے کیسز مسلسل کم ہو رہے ہیں۔ جمعے کو بھی ایک ہزار سے کم نئے مریض سامنے آئے ہیں۔

وزارت صحت کے مطابق جمعہ 18 فروری کو گذشتہ 24 گھنٹوں کے دوران کورونا کے 3 لاکھ 98 ہزار 902 ٹیسٹ کیے گئے۔ 882 نئے مریضوں کی تشخیص ہوئی ہے۔

امارات کے سرکاری خبر رساں ادارے ’وام‘ نے وزارت صحت کے حوالے سے بتایا کہ’ نئے کیسز کے بعد متاثرین کی کل تعداد 8 لاکھ 72 ہزار 210 تک پہنچ گئی ہے‘۔

بیان میں کہا گیا کہ ’گذشتہ 24 گھنٹوں کے دوران 2 ہزار 294 افراد صحت یاب ہوئے ہیں۔ صحت یاب ہونے والوں کی تعداد بڑھ کر8 لاکھ 13 ہزار926 ہوگئی ہے۔‘

’زیرعلاج مریضوں میں سے مزید 2 چل بسے، مرنے والوں کی کل تعداد دو ہزار292 ہوگئی ہے‘۔

علاوہ ازیں وزارت صحت نے بیان میں کہا کہ ’گذشتہ 24 گھنٹوں کے دوران کورونا ویکسین کی مزید 21 ہزار433 خوراکیں دی گئی ہیں۔ اب تک 2 کروڑ 39 لاکھ 77 ہزار 442 خوراکیں دی جاچکی ہیں۔‘