ٹی20 ورلڈ کپ: افغانستان کا لگاتار دوسرا میچ بارش کی نذر ہوگیا

آسٹریلیا میں جاری آئی سی سی ٹی20 ورلڈ کپ میں افغانستان اور آئرلینڈ کے درمیان میچ بارش کے باعث منسوخ کردیا گیا۔

جمعے کے روز میلبرن میں شیڈول یہ میچ بغیر کسی نتیجے کے ختم کیا گیا ہے جس کے بعد دونوں ٹیموں کو ایک ایک پوائنٹ دیا جائے گا۔

ٹی20 ورلڈ کپ میں افغانستان کا لگاتار دوسری مرتبہ میچ بارش کی ںذر ہوگیا ہے۔

اس سے پہلے بدھ کے روز میلبرن میں ہی افغانستان اور نیوزی لینڈ کا میچ بغیر کسی نتیجے کے منسوخ کردیا گیا تھا۔

آئرلیںڈ نے اس سے پہلے بارش سے متاثرہ میچ میں انگلینڈ کو ڈک ورتھ لوئس میتھڈ کے تحت پانچ رنز سے شکست دی تھی۔

دوسری جانب سے میلبرن میں ہی شیڈول انگلینڈ اور آسٹریلیا کا اہم میچ بھی بارش کے باعث منسوخ کر دیا گیا اور دونوں ٹیموں کو ایک، ایک پوائنٹ دے دیا گیا ہے۔ 

ٹی20 ورلڈ کپ کے پوائنٹس ٹیبل پر گروپ ون میں نیوزی لینڈ، آئرلینڈ، آسٹریلیا اور انگلینڈ کی تین، تین پوائنٹس ہیں جبکہ سری لنکا اور افغانستان نے دو، دو پوائنٹس حاصل کیے ہیں۔