پاکستانی اور اماراتی بحریہ کا فائر پاور کا مظاہرہ
اتوار 30 اکتوبر 2022 15:07
مشق کا اہم حصہ دونوں بحری افواج کے بحری و فضائی یونٹس سے فائر پاور کا مظاہرہ تھا (فوٹو: پاکستانی بحریہ)
پاکستان اور متحدہ عرب امارات کی بحری افواج کی دو طرفہ مشق نصل البحر 4 کا کراچی میں انعقاد ہوا۔ مشق کے دوران مختلف اقسام کے بحری آپریشنز اور لائیو ویپن فائرنگ کا عملی مظاہرہ کیا گیا۔
پاکستانی بحریہ کے سربراہ ایڈمرل محمد امجد خان نیازی اور اماراتی بحریہ کے ہیڈ آف نیول ٹریننگ بریگیڈیئر سٹاف عبداللہ سلطان نے شمالی بحیرہ عرب میں لائیو ویپن فائرنگ کا مشاہدہ کیا۔
پاکستان اور متحدہ عرب امارات کی چوتھی بحری مشق نصل البحر کا مقصد دونوں ممالک کے درمیان مشترکہ آپریشنز کی صلاحیتوں، آپریشنل تیاریوں اور پہلے سے موجود دو طرفہ تعلقات کو مزید فروغ دینا تھا۔
مشق کا اہم حصہ دونوں بحری افواج کے بحری و فضائی یونٹس سے فائر پاور کا مظاہرہ تھا۔ تمام یونٹس نے اپنے اہداف کو کامیابی سے نشانہ بنایا۔
اس موقع پر ایڈمرل محمد امجد خان نیازی نے ہر قسم کے خطرات سے نمٹنے کے لیے پاکستانی بحریہ کی آپریشنل تیاریوں پر مکمل اطمینان کا اظہار کیا۔
انہوں نے دونوں بحری افواج کی جانب سے مشترکہ لائیو ویپن فائرنگ کے کامیاب انعقاد کی تعریف کی جس سے دونوں ممالک کے دیرینہ تعلقات مزید مضبوط ہوں گے۔
بحیرہ عرب میں پاکستانی بحریہ اور سعودی بحریہ و فضائیہ کی مشقNode ID: 607126
پاک بحریہ اور رائل نیوی آف عمان کے درمیان بحری مشقیںNode ID: 628441
