حرمین انتظامیہ نے غلاف کعبہ کی مرمت کا کام مکمل کردیا

حرمین شریفین انتظامیہ نے مسجد الحرام میں غلاف کعبہ کی مرمت کا کام مکمل کرلیا ہے۔

سبق ویب سائٹ کے مطابق غلا ف کعبہ میں معمول کی مرمت کی گئی ہے۔

انتظامیہ نے کہا ہے کہ ’غلاف کعبہ فیکٹری کے ماہرین نے  مرمت کا کام ریکارڈ وقت میں انجام دیا ہے‘۔

مسجد الحرام میں غلاف کعبہ کی مرمت پر مامور شعبے کے سربراہ فہد بن حضیض الجابری نے کہا ہے کہ ’غلاف کعبہ کی مرمت وقفے وقفے سے ہوتی رہتی ہے‘۔

’ماہرین کی ٹیم روزانہ غلاف کعبہ کا جائزہ لیتے رہتے ہیں اور کسی بھی قسم کی مرمت کی ضرورت پیش آنے پر فوری کام کرتے ہیں‘۔