انڈین ریاست کیرالہ کے شہر تروواننتاپورم میں کمیونسٹ پارٹی آف انڈیا کے خواتین ونگ آل انڈیا ڈیموکریٹک ویمن ایسوسی ایشن (اے آئی ڈی ڈبلیو اے) کی تین روزہ نیشنل کانفرنس میں سٹیج پر پاکستان کی سابق وزیراعظم بے نظیر بھٹو کی بھی ایک بڑی تصویر لگائی گئی جس کے بعد دائیں بازو کی جماعتوں کے حامیوں کی جانب سے اس تقریب پر تنقید کی جا رہی ہے۔
کمیونسٹ پارٹی آف انڈیا کے زیر اہتمام تقریب میں بے نظیر بھٹو کی تصویر لگانے کا مقصد خواتین کی دنیا کے لیے خدمات کو اُجاگر کرنا تھا اور تصویر کے ساتھ ان کا تعارف بھی دیا گیا تھا۔
ان کی سٹیج پر آویزاں تصویر پر لکھا گیا کہ ’پاکستان کی پہلی خاتون وزیراعظم بے نظیر بھٹو کو ہارورڈ سمیت دنیا کی آٹھ یونیورسٹیوں نے ڈاکٹریٹ کی اعزازی ڈگریاں دی تھیں۔‘
مزید پڑھیں
-
انڈیا: گوگل پر’قتل کیسے کیا جائے‘ سرچ کرنے کے بعد بیوی کا قتلNode ID: 730401 -
-
ایشیا کپ میں پاکستان اور انڈیا کی ٹیمیں پھر مدمقابل آئیں گی؟Node ID: 731731
انڈیا میں دائیں بازو کی جماعتوں کے حامی پاکستان کی سابق وزیراعظم کی تصویر استعمال کرنے پر کمیونسٹ پارٹی آف انڈیا پر تنقید کر رہے ہیں اور انہیں انڈیا مخالف قرار دے رہے ہیں۔
سریجیتھ پانیکر نے ایک ٹویٹ میں لکھا کہ ’بے نظیر بھٹو نے 1990 میں کہا تھا کہ پاکستان انڈیا سے ہزار سالہ جنگ لڑے گا اور وہ وہی دہرا رہی تھیں جو ان کے والد ذوالفقار علی بھٹو کہا کرتے تھے۔‘
انہوں نے اے آئی ڈی ڈبلیو اے کی نائب صدر سُبھاشنی علی کو مخاطب کرکے لکھا ’کیا میں آپ سے پوچھ سکتا ہوں کہ ایسے فرد کی تصویر آپ کے پوسٹرز میں کیوں استعمال کی گئی؟‘
Dear @SubhashiniAli ji, Benazir Bhutto had said in 1990 that Pakistan would fight a 1000-year war with India. She was repeating what her father Zulfiqar Ali Bhutto had said earlier. May I ask you—the vice president of AIDWA—why such a person is featured in your posters? pic.twitter.com/IFJFODvAdK
— Sreejith Panickar (@PanickarS) January 7, 2023
انڈیا کی حکمران جماعت بھارتیہ جنتا پارٹی (بی جے پی) کے کیرالہ میں صدر سُریندرن نے بے نظیر بھٹو کے پوسٹر کی تصویر شیئر کرتے ہوئے کمیونسٹ پارٹی آف انڈیا کے لیے لکھا ’آپ لوگ جنم سے ہی ملک مخالف ہیں۔‘
انہوں نے الزام لگایا کہ ’وہ (بے نظیر بھٹو) اور ان کا خاندان انڈیا مخالف ہے۔ بے نظیر نے انڈیا کے ٹکڑے کرنے کا عزم کیا تھا۔‘
Noticed Benazir Bhutto's flex at the national conference of the AIDWA. No wonder, you people anti National by birth itself. She & her family were anti-India to the core. Benazir vowed, "to cut India into pieces." Shame @cpimspeak pic.twitter.com/5rFJaoVAPZ
— K Surendran (@surendranbjp) January 5, 2023
پاکستان میں وزیر برائے موسمیاتی تبدیلی اور پاکستان پیپلز پارٹی (پی پی پی) کی رہنما شیری رحمان نے انڈیا میں دائیں بازو کی جماعتوں کی طرف اشارہ کرتے ہوئے لکھا کہ ’ہر طرف انتہا پسند بھٹو نام سے نفرت کرتے ہیں۔‘
ان کا مزید کہنا تھا کہ ’کیرالہ میں آل انڈیا ڈیموکریٹک ویمن ایسوسی ایشن نے شہید بے نظیر بھٹو کی تصویر لگائی جسے بی جے پی کے لوگوں نے اس کو نقصان پہنچایا۔‘
پاکستانی وزیر نے بے نظیر بھٹو کا حوالہ دیتے ہوئے لکھا ’ان کی جرات سب کی نفرت کی چمک ختم کر دیتی ہے۔‘
Extremists everywhere hate the Bhutto name. In Kerala,India when the All India Democratic Women’s Association put up Shaheed Benazir Bhutto’s poster as an iconic leader,BJP crowds vandalised it. Her courage outshines their hate. Kudos to #AIDWA for standing up to their ideals. pic.twitter.com/ExkWOmJpt3
— SenatorSherryRehman (@sherryrehman) January 7, 2023
