بدھ 15 فروری کو روپے کے مقابلے میں امریکی ڈالر، سعودی ریال سمیت اہم کرنسیوں کی قیمت

پاکستان کی انٹربینک مارکیٹ میں پاکستانی روپے کے مقابلے میں امریکی ڈالر کی قیمت میں کمی کا سلسلہ بدھ کو بھی جاری رہا۔

سٹیٹ بینک آف پاکستان کے مطابق انٹربینک مارکیٹ میں پاکستانی روپے کے مقابلے میں امریکی ڈالر کی قیمت میں 1.96 روپے کی کمی ہوئی ہے جس کے بعد اس کی نئی قیمت 265.38 روپے ہوگئی ہے۔

خیال رہے دو دنوں میں پاکستانی روپے کے مقابلے میں امریکی ڈالر کی مجموعی قیمت میں 4.06 پیسے کی کمی ریکارڈ کی گئی ہے۔

بدھ کو پاکستان کی انٹربینک مارکیٹ میں سعودی ریال کی قدر 70.72، اماراتی درہم 72.25، بحرینی دینار 703.93، عمانی ریال 690.20، کویتی دینار 866.46 اور قطری ریال کی قیمت 72.75 روپے ریکارڈ کی گئی۔

دوسری جانب اوپن مارکیٹ میں 15 فروری کو امریکی ڈالر کی قیمت خرید 266.5 اور قیمت فروخت 269 روپے ریکارڈ کی گئی۔

سعودی ریال کی قیمت خرید 70.7 اور قیمت فروخت 71.4 جبکہ اماراتی درہم کی قیمت خرید 73.3 اور قیمت فروخت 74 روپے رہی۔