شہزادہ محمد بن سلمان سے اریٹریا کے صدر کی ملاقات

ولی عہد شہزادہ محمد بن سلمان سے اریٹریا کے صدر اسیاس افورقی نے ملاقات کی ہے۔

سعودی پریس ایجنسی کے مطابق ریاض میں ہونے والی ملاقات کے دوران باہمی دلچسپی کے متعدد اہم امور پر تبادلہ خیال کیا گیا ہے۔

دونوں رہنماؤں نے مشترکہ مفادات کے تحفظ، علاقائی اور بین الاقوامی امور اور مسائل کے علاوہ خطے کو درپیش تازہ ترین صورتحال پر گفتگو کی ہے۔

ملاقات کے دوران وزیر دفاع شہزادہ خالد بن سلمان، وزیر خارجہ شہزادہ فیصل بن فرحان، وزیر مملکت برائے قومی سلامتی ڈاکٹر مساعد العیبان، وزیر خزانہ محمد الجدعان اور اریٹریا میں سعودی سفیر صقر بن سلیمان القرشی موجود تھے۔