جدہ سمیت متعدد شہروں میں سکول بند، بارش کا امکان

جدہ ، مکہ اور طائف سمیت آج متعدد شہروں میں سکول بند ہیں جبکہ وزارت تعلیم نے آن لائن تدریس کا اعلان کر رکھا ہے۔

سبق ویب سائٹ کے مطابق محکمہ موسمیات نے کہا ہے کہ ’متعدد شہروں میں موسم غیر یقینی ہے اور موسلادھار بارش کا امکان ہے‘۔

وزارت تعلیم نے ذیلی دفاتر کو اپنے ماحول کے حساب سے فیصلہ کرنے کا اختیار دے دیا ہے۔

اس بنا پر جدہ ، مکہ، طائف اور دیگر متعدد شہروں میں سکول بند رکھنے کی ہدایت کی گئی ہے۔

محکمہ موسمیات نے کہا ہے کہ ’بارش کا سلسلہ طائف، باحہ، عسیر، جازان اور نجران تک پھیل سکتا ہے‘۔

’ادھر مغربی ریجن میں الجموم، بحرہ، الکامل، ام حبلین، حدہ اور قرب وجوار میں بھی بارش کا قوی امکان ہے‘۔