سعودی حکام نے منشیات سمگل کرنے کی کوششیں ناکام بنادیں، متعدد گرفتار

سعودی حکام نے مملکت بھرمیں کی جانے والی کارروائیوں کے دوران متعدد مشتبہ افراد کو گرفتار کرکے بڑی مقدار میں منشیات برآمد کی ہے۔

عرب نیوز کے مطابق جنرل ڈائریکٹوریٹ آف ناکوٹکس کنٹرول نے عیسر ریجن میں 35 کلو گرام حشیش سمگل کرنے کی کوشش ناکام بنا دی۔ ایک شہری کو حراست میں لیا گیا۔

جدہ میں دوغیر ملکیوں کو نشہ آور پاوڈر فروخت کرنے کی کوشش پرحراست میں لیا گیا۔

جازان ریجن کے العارضہ سیکڑ میں سرحدی محافظوں نے 40 کلو گرام قات( نشہ آور پتے) سمگل کرنے کی کوشش ناکام بنادی۔

کارروائی کے دوران مشتبہ افراد کے قبضے سے اسلحہ اورکمیونیکشین ڈیوائسز بھی برآمد ہوئی ہیں۔

جازان ریجن میں ہی سرحدی محافظوں نے سرحدی حفاظتی نظام کی خلاف ورزی پر ایک یمنی شہری کو گرفتار کیا ہے۔

اس کے قبضے سے منشیات اور بھاری رقم بھی برآمد ہوئی ہے۔

جازان ریجن کے الدائر سیکڑ میں سیکیورٹی حکام نے دو ایتھوپین باشندوں کو 42 کلو گرام حشیش سمگل کرنے کی کوشش کے الزام میں پکڑا ہے۔

ریاض میں جنرل ڈائریکٹوریٹ آف ناکوٹکس کنٹرول نے ایک پاکستانی کو 6.2 کلو گرام نشہ آور پاوڈر سمگل کرنے کی کوشش پر حراست میں لیا۔

قصیم ریجن میں پولیس نے ایک شہری کو ممنوعہ گولیوں کی سمگلنگ کے الزام میں ایک شہری کو گرفتار کیا گیا۔

تمام زیر حراست ملزمان کو ابتدائی قانونی کارروائی کے بعد پبک پراسیکیوشن کے حوالے کردیا گیا۔