طائف میں پبلک مقام پر جھگڑا کرنے والے آٹھ افراد گرفتار

طائف پولیس نے کہا ہے کہ ایک پبلک مقام پر لڑائی جھگڑا کرنے پر آٹھ افراد کو گرفتار کرلیا گیا ہے۔

سبق ویب ویب سائٹ کے مطابق پولیس نے کہا ہے کہ ’گرفتار شدگان سعودی شہری ہیں‘۔

پولیس نے کہا ہے کہ ’واقعہ الخرمہ میں ہوا ہے جس کی ویڈیو سوشل میڈیا پر وائرل ہوگئی ہے‘۔

’ویڈیو کی بنیاد پر مذکورہ افراد کی شناخت کی گئی اور انہیں ریکارڈ وقت میں گرفتار کرلیا گیا ‘۔

پولیس نے کہا ہے کہ ’گرفتار شدگان سے تفتیش جاری ہے جبکہ ضابطے کی کارروائی مکمل کرنے کے بعد انہیں پبلک پراسیکیوشن کے حوالے کردیا جائے گا‘۔

پولیس نے کہا ہے کہ ’سائبر کرائم کے جرم میں سوشل میڈیا پر ویڈیو جاری کرنے والے شخص کی تلاش جاری ہے‘۔