مدینہ میں عمرہ اور وزٹ ویزے پر آکر گداگری کرنے والے گرفتار

مدینہ میں ادارہ انسداد گداگری نے متعدد غیر ملکی گداگروں کو گرفتار کیا ہے۔

سبق ویب سائٹ کے مطابق ادارے نے کہا ہے کہ ’گرفتار شدگان پاکستانی اور انڈین ہیں‘۔

ادارے نے کہاہے کہ ’شہر کی معروف شاہراہ پر ایک شخص کو دیکھا گیا تو سگنل پر گداگری کر رہا تھا‘۔

’اسے گرفتار کرکے تفتیش کی گئی تو معلوم ہوا کہ وہ عمرہ ویزے پر آیا ہوا ہے‘۔

’ایک اور شخص کو پبلک مقامات پر گداگری کرتے ہوئے پکڑا ہے جو ملک میں وزٹ ویزے پر آیا ہوا تھا‘۔

’دو افراد کو مسجد نبوی کے بیرونی صحنوں میں زائرین سے بھیک مانگتے ہوئے گرفتار کیا ہے‘۔

ادارے نے واضح کیا ہے کہ ’عام شاہراہوں اور پبلک مقامات پر جہاں کہیں بھی گداگر نظر آئیں تو فوری طور پر ادارے کو مطلع کیا جائے‘۔

’یہ لوگ تنگ دست اور محتاج نہیں ہوتے۔ صدقہ و خیرات کے لیے اجازت یافتہ اداروں سے رجوع کرنا چاہئے‘۔