سعودی پروجیکٹ مسام کے تحت یمن میں مزید 737 بارودی سرنگیں صاف
اب تک چار لاکھ 25 ہزار564 بارودی سرنگوں کو تباہ کیا گیا ہے ( فوٹو: عرب نیوز)
سعودی مسام پراجیکٹ کے تحت یمن میں دسمبر 2023 کےدوسرے ہفتے میں یمن کے مختلف علاقوں میں حوثیوں کی نصب کردہ مزید 737 بارودی سرنگوں کو صاف کیا گیا ہے۔
سرکاری خبر رساں ایجنسی ایس پی اے کے مطابق شاہ سلمان مرکز برائے امداد و انسانی خدمات کے تحت مسام پراجیکٹ کی خصوصی ٹیموں نے یمن کے مختلف علاقوں سے 8 اینٹی پرسنل بارودی سرنگیں، 116 اینٹی ٹینک بارودی سرنگیں اور 611 بغیر دھماکے کی ڈیوائسز اوردو دھماکہ خیز ڈیوائس کو صاف کیا۔
حوثیوں کی جا نب سے یمن بھر میں نصب کی جانے والی بارودی سرنگیں بچوں، خواتین اورمعمرافراد سمیت معصوم افراد کی زندگیوں کےلیے خطرہ ہیں۔
یمن کے گورنریٹ عدن، الجوف، الحدیدہ، لحج، الضالع، مارب، شبوہ، صعدہ، صنعا، البیضا اور تعز میں بارودی سرنگیں صاف کرنے کے لیے کارروائیاں کی گئی ہیں۔
2018 میں مسام پروجیکٹ کے آغاز سے اب تک یمن میں حوثیوں کی بچھائی گئی چارلاکھ 25 ہزار564 بارودی سرنگوں کو تباہ کیا ہے۔
ان میں دو لاکھ 68 ہزار 569 بغیر دھماکے کی ڈیوائسز، ایک لاکھ 42 ہزار 339 اینٹی ٹینک بارودی سرنگیں، 7 ہزار 923 دیسی ساختہ دھماکہ خیز ڈیوائسز اور 6 ہزار433 اینٹی پرسنل بارودی سرنگیں شامل ہیں۔
واضح رہے کہ حوثی باغیوں کی جانب سے 1.2 ملین سے زیادہ بارودی سرنگیں بچھائی گئی ہیں جس کے باعث سیکڑوں معصوم شہریوں کے زخمی اور ہلاک ہونے کے واقعات رونما ہوئے ہیں۔
مسام پروجیکٹ کا مقصد یمن کے مختلف شہری اور دیہی علاقوں سے بارودی سرنگوں کی صفائی کرنا ہے تاکہ معصوم شہریوں کی جانوں کو ان سے محفوظ کیا جا سکے۔
ایک اندازے کے مطابق یمن میں بحران کے آغاز سے اب تک 5 ملین افراد اپنے گھر بار چھوڑنے پر مجبور ہوئے ہیں۔ ان میں بہت سے افراد اپنے علاقے میں بارودی سرنگوں کے باعث بے گھر ہوگئے۔
جون 2022 میں مسام پروجیکٹ کے معاہدے کو 33.29 ملین ڈالر کی لاگت سے مزید ایک سال کے لیے بڑھایا گیا ہے۔
یہ پروجیکٹ مقامی انجینیئرز کی بھی تربیت اورانہیں جدید آلات فراہم کرتا ہے جبکہ باردودی سرنگوں کی زد میں آنے والے یمنی شہریوں کی بھی مدد کی جاتی ہے۔
یمن کی طرف سےسعودی مسام پروجیکٹ کو ’بہادری کا تمغہ’Node ID: 776091
مسام پروجیکٹ کے تحت یمن میں مزید 688 بارودی سرنگیں صافNode ID: 807836
