پاکستان کے سابق فاسٹ بولر محمد عامر نے سابق وزیراعظم اور کپتان عمران خان کی دلچسپ تصویر شیئر کی ہے جس میں انہوں نے طنزیہ اور ڈھکے چھپے الفاظ میں پیغام بھی دے ڈالا ہے۔
محمد عامر نے سنیچر کو عمران خان کی 1992 کے کرکٹ ورلڈ کپ کے دوران بیٹنگ کی تصویر شیئر کی۔
محمد عامر نے عمران خان کی تصویر پر تبصرہ کرتے ہوئے لکھا کہ ’بیٹسمین کس کو دیکھ رہا ہے؟ ویسے بہت ہی پیاری پکچر (تصویر) ہے۔‘
مزید پڑھیں
سابق فاسٹ بولر نے سابق وزیراعظم کی تصویر 8 فروری کو ہونے والے عام انتخابات کے تناظر میں شیئر کی۔
یہاں واضح رہے کہ 8 فروری کے عام انتخابات میں عمران خان کی پارٹی پاکستان تحریک انصاف (پی ٹی آئی) کے حمایت یافتہ آزاد امیدواروں کو قومی اسمبلی کی نشستوں پر برتری حاصل ہے۔
batsman kis ko dekh rha hai wese bht hi piyari picture hai. pic.twitter.com/OXJNOFi4fP
— Mohammad Amir (@iamamirofficial) February 10, 2024
اسی طرح پی ٹی آئی کے حامیوں کی جانب سے الزام لگایا جا رہا ہے کہ انتخابات میں ایک مرتبہ پھر سے دھاندلی کی جا رہی ہے اور تحریک انصاف کے حمایت یافتہ امیدواروں کو جان بوجھ کر ہرایا جا رہا ہے۔
اس سلسلے میں محمد عامر نے جمعے کو اپنی ایک ٹویٹ میں ضلع راولپنڈی کے حلقے این اے 55 کے نتائج پر بھی شکوک و شبہات کا اظہار کیا۔
انہوں نے پاکستان مسلم لیگ ن کے امیدوار ملک ابرار کی جیت پر تشویش کا اظہار کرتے ہوئے لکھا کہ ’ہیں۔ یہ کیسے؟‘
hain yeah kese . pic.twitter.com/Ne59SCR28J
— Mohammad Amir (@iamamirofficial) February 9, 2024
محمد عامر کی عمران خان کی حمایت میں ٹویٹ پر صارفین کے تبصرے بھی دیکھنے کو مل رہے ہیں۔
سیف اللہ خان آفریدی نے اپنی ٹویٹ میں لکھا کہ ’25 کروڑ عوام کو دیکھ رہا ہے جو اُس کی اصل طاقت ہے۔‘
25 کروڑ عوام کو دیکھ رہا ہے جو اس کی اصل طاقت ہے
— Saif Ullah Khan AFridi (@SaifKhOfficial) February 10, 2024
مسکان نے اپنی ٹویٹ میں تبصرہ کیا کہ ’پتا نہیں، پر پوری دنیا اس بیٹسمین کو ضرور دیکھ رہی ہے۔‘
Pta nhi, pr puri duniya is batsman ko zrur dekh rhi hai
— MUSKAN (@Musskey) February 10, 2024
