دہشت گرد سیل بنانے پر دو شہریوں کو سزائے موت

سعودی وزارت داخلہ نے دہشت گرد سیل بنانے اورقومی سلامتی کے لیے خطرہ پیدا کرنے والےدو افراد کا سر قلم کردیا ہے۔

سعودی پریس ایجنسی کے مطابق جرم ثابت ہونے پر عدالت نے مذکورہ افراد کی موت کی سزا سنائی تھی۔

وزارت داخلہ نے کہ ہے کہ سعودی شہری عبد العزیز بن صالح التویم اور سامی بن سیف جیزانی نے سیکیورٹی فورس سے وابستہ افراد کو نشانہ بنانے کے لیے دہشت گرد سیل بنایا ہے اور ملک کی سلامتی کو خطرے میں ڈالنے کی کوشش کی ہے‘۔

مذکورہ افراد کے مجرمانہ منصوبوں کے باعث ایک سیکیورٹی اہلکار ہلاک ہوگیا۔

گرفتاری پر انہیں عدالت میں پیش کیا گیا ہے جہاں جرم ثابت ہونے پر انہیں سزائے موت دی گئی۔

وزارت نے کہا ہے کہ ’آج جمعرات کو مکہ مکرمہ ریجن میں عدالت کا فیصلہ نافذ کردیا گیا ہے‘۔