ترکیہ اور شام میں زلزلے سے متاثر افراد کے لیے شاہ سلمان مرکز کے ’سمع‘ پروگرام سے متعدد افراد نے فائدہ اٹھایا ہے۔
الاخباریہ چینل کے پروگرام ’نشرۃ النھار‘ میں گفتگو کرتے ہوئے ایک خاتون نے کہا کہ سعودی ’سمع‘ پروگرام کی مدد سے بیٹا اب سننے لگا ہے۔ یہ ایک درد تھا جو ختم ہو گیا، اب یہ زندگی بھر کی خوشی ہے۔
ایک خاتون جو اپنے بچے کے علاج کے سلسلے میں آئی تھیں، کا کہنا تھا ہم پریشان حال تھے، خوشی ہے کہ سعودی امدادی یونٹ نے ہمیں رہائش، راشن اور دیگر لوازمات فراہم کیے۔
ایک بچے کے والد نے کہا مجھے یہ توقع نہیں تھی کہ ہمارے چھ سال کے صبر کے بعد اتنا بڑا انعام ملے گا۔ ہمارا صبر خوابوں کی تکمیل کے ساتھ ختم ہوا ہے۔ سعودی حکومت اور شاہ سلمان مرکز کے ڈاکٹر الربیعہ کا شکریہ ادا کرتے ہیں۔
شاہ سلمان مرکز کے ترجمان ڈاکٹر سامر الجطیلی نے کہا کہ ہم زلزلے کے بعد سے اب تک شام اور ترکیہ میں متاثرین کی مدد جاری رکھے ہوئے ہیں۔
