سعودی لڑکی نے انجانے معمر شخص کو گردہ عطیہ کردیا

 سعودی لڑکی نے اپنا ایک گردہ ایک انجانے معمر شخص کو عطیہ کردیا۔

لڑکی کا کہنا تھا کہ مجھے خوشی ہے کہ میری وجہ سے ایک مریض کو مشکلات سے چھٹکارہ مل گیا۔

الاخباریہ کے مطابق 20 سالہ  سعودی لڑکی نے بتایا کہ ’گردہ عطیہ کرکے مجھے قلبی سکون ملا، گزشتہ دس سالوں سے میرا یہ خوب تھا کہ کسی کو گردہ عطیہ کروں اور میری خواہش پوری ہو گئی اس کا صلہ میں رب تعالی سے ہی چاہتی ہوں۔‘

انہوں نے مزید کہا کہ ’سوشل میڈیا پر ان لوگوں کے حالات دیکھا کرتی تھی جو گردے کے امراض کا شکار ہو کرتکالیف سے گزرا کرتے تھے، ان کی تکالیف دیکھ کر میرے دل بے چینی ہوتی تھی اور یہ سوچا کرتی تھی کہ کس طرح میں اپنی سطح پر کوئی رضا کارانہ کام کرسکتی ہوں۔‘

اسی سوچ کے تحت میں نے گردہ عطیہ کرنے کے لیے خود کو رجسٹر کرایا۔ کنگسلمان ہسپتال سے مجھے کال آئی اور جہاں تمام طرح کے میڈیکل ٹیسٹ وغیرہ کرنے کے بعد گردہ عطیہ کے مراحل سے گزری۔‘

سعودی لڑکی کا کہنا تھا’جو کچھ میں نے کیا وہ صرف رب کی رضا کے لیے اور یہ سوچ کرکہ کسی کو میری ذات سے فائدہ ہو جائے تو اس کا بدلہ مجھے صرف اللہ ہی دے گا۔‘