یوم تاسیس کے موقع پر بلدیہ کی نگراں ٹیمیں سرگرم

مملکت کے یوم تاسیس کے موقع پر بلدیہ ریاض کی جانب سے ریستوران اور تجارتی مراکز کی نگرانی کا عمل سخت کر دیا گیا ہے۔

سبق نیوز کے مطابق ریجنل بلدیہ کی جانب سے مختلف علاقوں میں تفتیشی عمل کو منظم بنانے اور خلاف ورزیوں کی روک تھام کے لیے متعدد ٹیمیں تشکیل دی گئی ہیں جن کا مقصد اشیائے خورونوش فروخت کرنے والی دکانوں اور ریستوران کے علاوہ تجارتی مراکز کے نگرانی کرنا ہے تاکہ مقررہ ضوابط پر عمل درآمد کو یقینی بنایا جائے۔

نگرانی ٹیم کے ذمہ دار کا کہنا تھا کہ تفتیشی اہلکاروں کو اس بات کی تلقین کی گئی ہے کہ فروخت کی جانے والی اشیائے خورونوش کے معیار کا بخوبی جائزہ لیا جائے تاکہ صارفین کو کسی قسم کی مشکل صورتحال کا سامنا نہ کرنا پڑے۔

تفتیشی ٹیمیں ہوٹلوں، کیفے اور دیگر مراکز میں موجود کھانے پینے کی اشیا فروخت کرنے والی  دکانوں میں صفائی کی خاص طور پر نگرانی کررہی ہیں۔ علاوہ ازیں اشیائے خورونوش کے معیار کا بھی معائنہ کیا جاتا ہے۔