ابوظبی: 13 ممالک کے لیے آئسولیشن کی پابندی ختم

ابوظبی میں محکمہ سیاحت وثقافت کی جانب سے سعودی عرب سمیت 13 ممالک کے سیاحوں پر آئسولیشن کی پابندی اٹھا لی گئی ہے۔ 

ویب نیوز ’سبق‘ نے محکمہ سیاحت کی ویب سائٹ پر جاری بیان کے حوالے سے کہا گیا ہے کہ ’ابوظبی کی سیر کریں‘ کے عنوان سے جاری سیاحتی پروگرام کے تحت 13 ممالک سے آنے والوں کے لیے آئسولیشن کی پابندی ختم کردی گئی ہے۔

سیاحتی ادارے کی جانب سے جن ممالک کے شہریوں کو آئسولیشن فری کیا گیا ہے ان میں سعودی عرب، آسٹریلیا، چین، برونائی، فن لینڈ، آئس لینڈ، آئرلینڈ، جاپان، ملائیشیا، نیوزی لینڈ، سنگاپور، جنوبی کوریا اور ناروے شامل ہے۔ 

بیان میں کہا گیا ہے کہ مذکورہ ممالک کے شہریوں کو ابوظبی میں کورونا احتیاطی تدابیر کے تحت آئسولیشن میں رہنے کی ضرورت نہیں ہوگی-

ممالک کی فہرست کے حوالے سے بیان میں مزید کہا گیا ہے کہ مذکورہ فہرست میں تبدیلی اور اضافے کا بھی امکان ہے تاہم یہ اسی صورت میں ہوگی جب دیگر ممالک میں بھی کورونا کے حوالے سے حالات بہتر ہوں گے-

خود کو اپ ڈیٹ رکھیں، واٹس ایپ گروپ جوائن کریں