امارات: کورونا سے 1251 افراد شفایاب، 4 لاکھ سے زیادہ نئے ٹیسٹ
امارات: کورونا سے 1251 افراد شفایاب، 4 لاکھ سے زیادہ نئے ٹیسٹ
جمعہ 21 جنوری 2022 18:33
کورونا سے اب تک 2207 افراد کی موت ہوچکی ہے- (فوٹو العربیہ)
متحدہ عرب امارات کی وزارت صحت نے کہا ہے کہ گزشتہ چوبیس گھنٹوں کے دوران پورے ملک میں کورونا کے نئے مصدقہ کیسز 2921 ہوگئے- 1251 صحت یاب اور 3 کی موت واقع ہوگئی-
امارات میں اب تک کورونا کی 2 کروڑ سے زیادہ ویکسین دی جاچکی ہیں- (فوٹو وام)
اماراتی نیوز ایجنسی ’وام‘ کے مطابق وزارت صحت کا کہنا ہے کہ امارات میں کورونا سے صحت پانے والوں کی مجموعی تعداد 7 لاکھ 65 ہزار 982 تک پہنچ گئی جبکہ متاثرین کی کل تعداد 8 لاکھ 19 ہزار 866 ہوچکی ہے اور وائرس سے مرنے والوں کی کل تعداد 2207 ہے-
وزارت صحت نے بتایا کہ جمعے کو 4 لاکھ ایک ہزار 356 افراد کا کورونا ٹیسٹ لیا گیا-
وزارت صحت نے اپنے بیان میں کہا کہ گزشتہ چوبیس گھنٹوں کے دوران پورے ملک میں کورونا کی مزید 39276 ویکسین دی گئیں- اب تک 2 کروڑ 32 لاکھ 41 ہزار 381 خوراکیں دی جاچکی ہیں-
