حفاظتی تدابیر کی خلاف ورزی پر 546 افراد کے خلاف جرمانے

سعودی وزارت داخلہ نے حفاظتی تدابیر کی خلاف ورزی پر 546 افراد کے خلاف جرمانے عائد کئے ہیں۔

سعودی پریس ایجنسی کے مطابق مذکورہ خلاف ورزیاں 3 شعبان سے 9 شعبان کے درمیان ریکارڈ کی گئی ہیں۔

وزارت داخلہ نے کہا ہے کہ ’سب سے زیادہ خلاف ورزیاں ریاض ریجن میں ریکارڈ کی گئیں جہاں 155 افرادکے خلاف جرمانے ہوئے ہیں‘۔

’مکہ مکرمہ ریجن میں 120، مدینہ منورہ میں 83، مشرقی ریجن میں 54، جازان میں 20، باحہ میں 8، نجران میں 7،عسیر میں دو، تبوک میں ایک اور حائل میں 96 خلاف ورزیوں کا اندراج ہوا ہے‘۔

وزارت داخلہ نے شہریوں اور مقیم غیرملکیوں کو ہدایت کی ہے کہ کورونا کے انسداد کے لیے حفاظتی تدابیر کی پابندی کی جائے۔