پاکستان میں منگل کو سابق وزیراعظم عمران خان کی گرفتاری کے بعد سکیورٹی صورت حال کے پیش نظر ملک بھر میں موبائل ڈیٹا انٹرنیٹ سروس اور فیس بُک، ٹوئٹر اور انسٹاگرام سمیت متعدد سوشل میڈیا ویب سائٹس بند کر دی گئی ہیں۔
پاکستان ٹیلی کمیونیکیشن اتھارٹی (پی ٹی اے) کے مطابق ملک میں موبائل انٹرنیٹ سروس وزارت داخلہ کے احکامات پر بند کی گئی ہے۔
بدھ کو خیبر پختونخوا سے آنے والی اطلاعات کے مطابق پشاور میں فائرنگ سے کم سے کم چار افراد ہلاک اور 27 زخمی ہوئے ہیں اور امن وامان کی مخدوش حالت کے سبب صوبے کی نگراں حکومت نے وفاقی حکومت سے صوبے بھر میں فوجی اہلکاروں کی تعیناتی کی درخواست کی ہے۔
مزید پڑھیں
پنجاب میں بھی وزارت داخلہ نے صوبے کی نگراں حکومت کی درخواست پر فوجی اہلکاروں کی تعیناتی کی منظوری دے دی ہے۔
پاکستانی سوشل میڈیا پر صارفین کی جانب سے موبائل انٹرنیٹ سروس اور سوشل میڈیا پلیٹ فارمز کی بندش پر سخت رد عمل دیکھنے میں آرہا ہے۔
انٹرنیٹ پر نظر رکھنے والے ادارے ’نیٹ بلاکس‘ نے بھی تصدیق کی ہے کہ پاکستان بھر میں ٹوئٹر، فیس بُک اور یوٹیوب تک رسائی بند کر دی گئی ہے۔
Confirmed: Live metrics show that Twitter, Facebook and YouTube are now restricted across #Pakistan amid the arrest of former PM Imran Khan; the incident is likely to limit freedom of assembly and the public's ability to seek information
Report: https://t.co/BCs5hPpTsU pic.twitter.com/CLIjGLQFLO
— NetBlocks (@netblocks) May 9, 2023
پاکستانی صحافی باقر سجاد نے ایک ٹویٹ میں انٹرنیٹ کی بندش کے حوالے سے لکھا کہ ’یہ انتہائی تشویشناک امر ہے اور انسانی حقوق کی خلاف ورزی کے مترادف ہے۔‘
Internet shutdown being reported from various cities in Pakistan. This is deeply concerning as it may lead to human rights abuses. It's important to prioritize the safety and freedom of citizens.
— Baqir Sajjad (@baqirsajjad) May 9, 2023
ڈیجیٹل رائٹس ایکٹوسٹ نگہت داد کا ٹوئٹر کی بندش کے حوالے سے کہنا تھا کہ ’ایک پلیٹ فارم کی مکمل بندش کیسے آئینی ہوسکتی ہے؟ بنیادی حقوق کی خلاف ورزی ہو رہی ہے اور ایسے تشویشناک حالات میں اہم معلومات تک رسائی ناممکن بنا دی گئی ہے۔‘
Twitter is not accessible on almost all internet networks in Pakistan. How blanket censorship of one platform is justifiable and constitutional? Violating many fundamental rights and making it impossible to access critical information during critical times.
— Nighat Dad (@nighatdad) May 9, 2023
ہارون نامی صارف نے لکھا کہ ’بحیثیت پاکستانی شہری، ہم ٹیکس دیتے ہیں اور انٹرنیٹ اور سوشل میڈیا ایپلی کیشنز تک رسائی ہمارا حق ہے۔ یہ انتہائی تشویشناک ہے کہ یہ تمام سروسز بغیر کسی وضاحت کے بند کردی گئی ہیں۔‘
As citizens of Pakistan, we pay taxes and deserve the right to access the internet and social media apps. It is concerning that these services have been turned down without any clear explanation. We urge those in power to allow the Pakistani nation to live in peace and access the…
— Haroon (@myagencycorp) May 10, 2023
کچھ ایسے بھی سوشل میڈیا صارفین ہیں جن کا کہنا ہے کہ پاکستان کو ایلون مسک کی سیٹلائٹ انٹرنیٹ کمپنی ’سٹارلنک‘ کی ضرورت ہے۔
This is why we need Elon musk's Starlink here in Pakistan. State shouldn't be controlling the access to internet and block it whenever they want to.
— Anas Tipu (@teepusahab) May 9, 2023
