زائرین کے لیے پرکشش اور لطف اندوز سرگرمیوں کا بھی اہتمام کیا گیا ہے۔ فوٹو عرب نیوز
جدہ آنے والے سیاح اور زائرین جلد ہی ایک نئے تفریحی مقام کی سیر کر سکیں گے جب منگل 3 اکتوبر کو ایک نئے انڈور چڑیا گھر کا افتتاح کیا جائے گا۔
عرب نیوز کے مطابق یہ تفریحی مقام بحیرہ احمر کے کنارے جدہ کے علاقے المحمدیہ میں کھولا جا رہا ہے جہاں زائرین کے لیے پرکشش اور لطف اندوز سرگرمیوں کا بھی اہتمام کیا گیا ہے۔
کنگ عبدالعزیز روڈ پر قائم وسیع انڈور چڑیا گھر کے اوقات کار روزانہ شام 4 بجے سے رات 11 بجے تک ہوں گے۔
جدہ کے وسط میں واقع یہ ایک منفرد مقام ہے جہاں پالتو اور نایاب جانوروں کے علاوہ خوبصورت پرندوں سمیت رینگنے والے جانور ائیرکنڈیشن ماحول میں رکھے گئے ہیں۔
ہر عمر کے زائرین کے لیے انڈور علاقے میں مختلف قسم کے دلکش شوز کا بھی اہتمام کیا گیا ہے۔
چڑیا گھر روزانہ شام 4 بجے سے رات 11 بجے تک کھلا رہے گا۔ فوٹو ٹوئٹر
انڈور چڑیا گھر میں بڑوں کے لیے داخلہ ٹکٹ 50 ریال اور 12 سال سے کم عمر افراد کے لیے 25 ریال ہے جب کہ دو سال تک عمر کے بچوں کا داخلہ فری ہے۔
