حرمین شریفین سمیت ملک بھر میں نماز استسقا ادا کی گئی

خادم حرمین شریفین شاہ سلمان بن عبد العزیز کی ہدایت پر آج جمعرات کو حرمین شریفین سمیت ملک کی مساجد میں نماز استسقا پڑھی گئی۔

سعودی پریس ایجنسی کے مطابق مساجد میں باران رحمت کے نزول کے لیے دعائیں کی گئیں اور خطبہ دیا گیا۔

باران رحمت کے لیے ادا کی جانے والی نماز کا سب سے بڑا اجتماع مسجد الحرام میں ہوا جہاں کعبۃ اللہ کے پہلو میں امام وخطیب شیخ ڈاکٹر ماہر المعیقلی نے امامت کراوئی اور بعد ازاں خطبہ دیا۔ 

نائب گورنر مکہ مکرمہ شہزادہ سعود بن مشعل بن عبدالعزیز اور گورنریٹ کے اعلی عہدیدار نمازشریک ہوئے۔

شیخ ڈاکٹر ماہر المعیقلی نے فرزندان اسلام کو تقوی اور استغفار کی تلقین کی ہے۔ 

بارش کے لیے خصوصی نماز کا دوسرا بڑا اجتماع مسجد نبوی شریف میں ہوا جہاں شیخ ڈاکر خالد المہنانے امامت کروائی اور خطبہ دیا۔ 

مدینہ منورہ  کے گورنر شہزادہ سلمان بن سلمان بن عبد العزیز اورگورنریٹ کے اعلی عہدیداروں سمیت مشائخ اور سربرآوردہ علما بھی شریک ہوئے۔

اسی طرح ریاض شہر میں سب سے بڑا اجتماع جامع امام ترکی بن عبد اللہ میں ہوا جہاں گورنر ریاض شہزادہ فیصل بن بندر بن عبد العزیز اور نائب گورنر شہزادہ محمد بن عبد الرحمن بن عبد العزیز نے بھی شرکت کی۔

اسی طرح نمازاستسقا جدہ، جازان، قصیم، مشرقی ریجن، الجوف، الاحسا، دمام اور الخبر کے علاوہ تمام شہروں میں بھی ادا کی گئی۔