بنگلہ دیش سے پہلا حج قافلہ جدہ پہنچ گیا

امسال حج کی سعادت حاصل کرنے کے لیے بنگلہ دیش سے پہلا حج قافلہ جدہ پہنچا ہے۔

سبق ویب سائٹ کے مطابق جدہ کے کنگ عبد العزیز ایئر پورٹ عازمین حج کا استقبال کیا گیا ہے۔

ایئرپورٹ انتظامیہ نے کہا ہے کہ ’عازمین حج کے قافلوں کو تمام سہولتیں فراہم کرنے کے علاوہ تیز ترین خدمات کی فراہمی کو یقینی بنایا گیا ہے‘۔

واضح رہے کہ کورونا وائرس کے باعث گزشتہ دو سال سے بیرون ملک سے عازمین حج کی آمد بند رہی ہے۔