’ھیا‘ کارڈ کے حامل افراد تین دوستوں کو فیفا ورلڈ کپ کے لیے کیسے بلا سکتے ہیں؟

قطر میں ہونے والے فیفا ورلڈ کپ 2022 کی انتظامیہ نے کہا ہے کہ کوئی بھی شخص جس کے پاس ’ھیا‘ کارڈ ہے وہ اپنے تین دوستوں کو ورلڈ کپ دیکھنے کے لیے قطر بلا سکتا ہے۔

عربی جریدے ’سبق‘ کے مطابق اس سکیم کا نام ’ھیا معی 1+3 ‘ رکھا گیا ہے اور یہ سہولت ایسے افراد کے لیے ہے جو قطر کے شہری ہوں اور نہ ہی ان کے پاس ھیا کارڈ ہو۔

دوستوں کو کیسے انوائٹ کیا جائے؟

پہلی شرط یہ ہے کہ آپ کے پاس ’ھیا‘ کارڈ ہو۔

چھ ماہ سے زیادہ کا ویزہ ہو۔

قطر میں قیام گاہ کی تصدیق۔

500 ریال فیس کی ادائیگی۔

اس کے بعد آپ ’ھیّا‘ کی اپلیکشن پر جا کر ’مائی کارڈ‘ کا آپشن لیں اور اس کے بعد ’جاری‘ کا بٹن دبا دیں۔

اس کے بعد ’ھیّا معی‘ کے آپشن پر جائیں جہاں آپ کے سامنے تین واؤچر کوڈز ظاہر ہوں گے جو تین ایسے افراد کو بھیجے جا سکتے ہیں جن  کے پاس ٹکٹ نہیں ہے۔

’ھیّا ‘ کارڈ کی درخواست کی منظوری کے بعد ان تین افراد کو بیرون ملک سے قطر میں داخل ہونے کے اجازت نامے پر مبنی ای میل موصول ہو گی۔

خیال رہے کہ ورلڈ کپ دیکھنے کے لیے ’ھیّا‘ کارڈ کا لازم ہے۔ اس کے بعد وہ کو ورلڈ کپ کے دوران مفت ٹرانسپورٹیشن اور دیگر سہولیات سے استفادے کا حق حاصل ہو جائے گا۔