بختاور بھٹو زرداری کے ہاں بیٹے کی پیدائش، بلاول بھٹو کی مبارک باد

سابق صدر آصف علی زرداری کی صاحبزادی بختاور بھٹو زرداری کے ہاں بیٹے کی پیدائش ہوئی ہے۔
بختاور بھٹو زرداری بیٹے کی پیدائش کے بعد دو بیٹوں کی ماں بن گئی ہیں۔

جمعرات کے روز سماجی رابطوں کی ویب سائٹ ٹوئٹر پر بختاور بھٹو زرداری نے ایک ٹویٹ میں اپنے گھر ننھے مہمان کی آمد کی خبر شیئر کی۔
بختاور بھٹو زرداری نے اپنے شوہر محمود چودھری کو ٹیگ کرتے ہوا لکھا کہ ’اللہ تعالٰی کا شکر ہے، ہم خوشی سے اپنے دوسرے بیٹے کی پیدائش کی خبر دے رہے ہیں۔‘

بختاور بھٹو زرداری کی شادی جنوری 2021 میں کاروباری شخصیت محمود چودھری سے ہوئی تھی۔

بختاور بھٹو زرداری کے ہاں بیٹے کی پیدائش پر ان کے بڑے بھائی اور وزیر خارجہ بلاول بھٹو زرداری سمیت کئی شخصیات کی جانب سے انہیں مبارک باد دینے کا سلسلہ جاری ہے۔
بلاول بھٹو اپنی ٹویٹ میں کہتے ہیں کہ ’ماموں 2.0 (یعنی وہ پھر سے ماموں بن گئے)۔‘

اینکر پرسن عاصمہ شیرازی لکھتی ہیں کہ ’مبارک ہو، رحمت میں رہو۔

عنایا خان نے لکھا کہ ’میر حکیم اب بڑے بھائی بن گئے ہیں۔‘