ریاض اور جازان میں منشیات ضبط، متعدد غیر ملکی و شہری گرفتار

سعودی سیکیورٹی فورسز نے ریاض اور جازان میں منشیات ضبط کی ہے جبکہ متعدد غیر ملکی اور شہری گرفتار کئے ہیں۔

سبق ویب سائٹ کے مطابق جازان میں سرحدی سیکیورٹی فورس کی کارروائی میں غیر قانونی طور پر سرحد عبور کرنے والے 5 ایتھوپین گرفتار ہوئے ہیں۔

تلاشی لینے پر معلوم ہوا کہ یہ ملک میں منشیات سمگل کرنے کی کوشش کر رہے تھے۔

سیکیورٹی فورس نے کہا ہے کہ ’مذکورہ افراد کے قبضے سے 195 کلو نشہ آور پودہ قات پکڑا گیا ہے‘۔

دوسری طرف ریاض میں محکمہ انسداد منشیات نے ایک شہری کو گرفتار کیا ہے۔

محکمے نے کہا ہے کہ ’مذکورہ شخص کے قبضے سے 59 کلو چرس پکڑی گئی ہے‘۔

’گرفتار شدہ شخص علاقے میں منشیات سپلائر تھا جس کے متعلق خفیہ اطلاعات ملی ہیں‘۔